Ferðaþjónustan í Hólmi er fjölskyldufyrirtæki
rekið af okkur Guðrúnu og Magnúsi börnum okkar Arndísi Ósk, Guðjóni Erni, Birnu Jódísi og tengdasyni okkar Þorgrími Tjörva.
Birna og Þorgrímur eiga eina dóttur Kötlu Eldey.
Árið 2005 byrjuðum við ferðaþjónustu hér og bættum því við hefðbundinn búskap sem fyrir var.
Árið 2009 opnuðum við húsdýragarð,og samhliða því hófum við að endurgera fjósið hér og opnuðum þar veitingaaðstöðu sem við opnuðum í ágúst 2010.
2014 Fluttu þau Birna Þorgrímur og Katla hingað,en þau höfðu búið í Reykjavík.
2015 gerðum við stærri veitingastað þar sem áður var vélageymsla og verkstæði og breyttum fjósinu í 3 fjölskylduherbergi.

Sagan:
Árið 1951 keyptu hjónin Guðjón Arason og Margrét Sigurðardóttir jörðina Hólm á Mýrum.
Í byrjun búskapar þeirra byggðu þau nýtt íbúðarhús á grunni eldra húss sem var frá þí um 1920. Seinna byggðu þau fjós og fjárhús
og ráku blandaðann búskap.
Gamla íbúðarhúsið er nú notað sem gistiheimili.
1985 til 1992 bjuggum við félagsbúi með
með Guðjóni og Margréti.
Og árið 1992 keyptum við Guðrún og Magnús eigendur Hólms jörðina af Guðjóni og Margréti

Við endurbyggingu gamla íbúðarhússins og val húsgagna höfum við reynt að stíla inná tímann frá 1960-1970, og með því jafnframt að skapa stemmingu bóndabæjar frá þeim tíma.


 

Eigendurnir Gunna og Maggi

Hólmur á Mýrum


Til baka á aðalsíðu